Kwrak salo loksobha chongmarini vote lekhanai. Kwrak salo hakotor ni logi haste ni kainwi loksobha kendra ni vote lekhajaknai. Vote lekhanani salsa swkang tangsalni sarigo haste oh kiphilkha tipra motha ni supremo bubagra Pradyot Kishore Debbarma. Asalo MBB Birkhung khola oh phaiwi koktwma thumnai rokni bwskango kok sakha, vote ni result jese phano wngthung, phiyabha hakotor bwskango agugnai, hakotor ni ganatantra bwskango agugnai. Haphang naikolnai tei kebengnai bodol rokno kha-kaham yapharkha Bubagra Pradyot Kishore Debbarma, haste ni result jese phano wngthung, phiyabha vote lekha baimani yagulo bolai toklai wngmani belai no chaya hinwi sakha bo. Loksobha chongmarini salka Tripura oh BJP ni wngwi bataikha Bubagra Pradyot Kishore Debbarma ni bahanojwk Maharani Kriti Singh Debbarma. Haste oh kiphilkha salka Tripura oh BJP ni wngwi batainai. Aboni sai swkang Bubagra Pradyot Kishore Debbarma ni bupha Maharaj Kirit Bikram Kishore Debbarma tei bwma Maharani Bibu Kumari Devi loksobha ni MP tongmani. Borok khorok nwi no congress ni wngwi chongmari oh bataiwi kwplai wngwi MP wngkha. Tabok Maharani Kriti Singh Debbarma no jadi chongmarini kwplai wngkhe, bubagra ni nukhungo khoroktham MP wngnai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
