Bhara nok ni simi khorok sa nwkhung ni hamjwk ni khachijak mang kwthui mankha police. pati mwng rajakhor aguli ni sivnagar amchai o.thwi nai nwkhung ni hamjwk ni mwng shipra banik, umar nwi chi sa bisi ni, bwsai ni mwngAnik banik hwnui sai mankha, koktwma manwi patimwng thaio phawi sokphai kha salka thana ni police. ah pati mwng no twi nok gana ni no tong nai tei khorok sa bharatia saklai kha,tang sal ni phung ni dam sini o thwi thang nai nwkhung ni hamjwk ni bwsai Anik banik bini bwsa no twi dati khe nok ni simi ongkhorwi thang mani nukha. tei khak sa phasing khe thwi thang nai ni bwsai Anik banik saklaikha, kotki sal ni horo bo nogo kwrui, khung sa besarkari sakham nogo thangwi tong mani, bini sini jak sakham nogo admit ungjak, tang sal ni phung o nogo kiphilwi bo nugwi mankha nok ni doga khulugjak, bini churai kabwi tongkha hwnui. nogo thangwi abo hai pati mwng nugwi churai bwsa no nawi nok ni simi ongkhorwi thangkha, Anik banik teibo saklaikha, nogo mwng sa kok no twi phano kok bangmani kwrui chini khorok nwi ni bising o, phiya ba bihik bwsai no tei khorok sa bwrui bai tonglai o hwnui wansug o. s tei khak sa phasing khe amchai ni loku rok ni bwkhak twi sai mankha, sthwi thang nai nwkhung ni hamjwk Shipra banik ni nok bangladesh o, phiya ba thwi thang nai ni bwsai Anik banik saklai kha, bini bwkra bari bishalgarh amchai o hwnui, bwsai Anik banik kok soi saiya ungwi tongkha hwnui sakha police. spolice mang kwthui no khochawi GB sakham nogo rohor kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
