Phan o simi ya, bharatiya janata party loku rok ni bagwi bo samwng khwlai o, kokti salo 9 banamalipur mondal ni luajimung bai songsa jak mani sak tharwi thwi rwmani panda o phawi bao hai khe no samani nukjakha pradesh achugphang Rajib bhattacharjee. Montri okra ni kobok mwng bai kokti salo kaisa sak tharwi thwi rwmani panda songsai rwkha BJP 9 banamalipur mondal committee.ah sak tharwi thwi rwmani panda o phawi manjak phai kha haste BJP ni achugphang Rajib bhattacharjee, agartala pura nigam ni mayor Dipak majumdar ni logi bharatiya janata party ni samwng khwlainai tei naikolnai rok. ah thwi rwmani panda o kok narugna phuru pradesh BJP achugphang Rajib bhattacharjee saklai kha, bharatiya janata party simi politics khwlaiya, loku rok bai thansa ungwi no samwng khwlai o bharatiya janata party. abo hai wansuk mwng no twi no BJP samwng khwlai o. ah sak tharwi thwi rwmani panda o kok narugna phuru pradesh BJP ni achugphang Rajib bhattacharjee teibo saklai kha, je borok saklai mani chongmari ni pirlai mwng o modi no tei nugwi mangalak, ah salai nai rok tabuk boro thang kha, dal bidal cherwi nai mani o nukjakha, BJP ni achugthai 350 eba 360 phunugwi tongkha, phiya ba phai tong nai 4 june sal mari o nukjak nai BJP 400 achugthai par khwlai khibkha, bo teibo saklai kha phai tong nai 4 june sal mari o banamalipur tei haste hakotor gwnagui ter kahai songsa jak nai. Kokti salni sak tharwi thwi rwmani panda o agartala pura nigam ni mayor Dipak majumdar bo phawi manjak ohaia mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
