Cha salo hasteni bharatiya janta party ni yuba morcha bodolni bwkhaktwi agulio kaisa kotor himbotok panda khwlaijak kha. ah salni panda manjak kha montri sushanta chwodhury tei MLA Sushanta Deb. Sak kisa romwino rwng swrwng ni berem , sak ham ni berem tei naimwthangni berem ni phaisingo yasi tisai kwbangma kok samani yaksi bodolni sikla rwng swrwng bodol. tabok hinkhe borogni oh yaksi tisamano kok phirokmung rikha yuba morcha bodol. swkang saklaijakmani hai khe cha salo haste gwnangwi bharatiya janta party ni yuba morcha ni luajimung bai kaisa kotor himbotok panda khwlaijak kha. Ah salni himbotokgo manjak kha thanglaisu tang bedekni montri Sushanta chowdhury , bharatya janta yuba morcha ni achukphang tei MLA Sushanta Deb tei pradesh yuba morcha ni kubuni neta rog. Agulini krishna nagar ni pradesh BJP ni haba nogni simi khe chengwi agulini kwbangma thaio berai kha. koktwma thumnai rogbai kok saphoro montri sushanta chowdhury sakha , CPIM rog hamya thwngrwngo simi gwdaljak hinwi. hasteni haphangno hamya saoi mung hamya khwlaina bagwino samung khwlawi tongo yaksi bodol. borogni oh tongmung kebengna bagwino oh salni himbotok khwlaijak kha hinwi sakha MLA Sushanta Chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
