Agartala railway station ni simi modern type ni pistol manmungo tei khorok sa sikli mung kasawi phaikha. Bini mung Rem devi Debbarma. Tabokswk jora oh pistol manmani patimungo khoroktham sikla sikli no romjakha GRP police.Thanai 24 May ni salmari oh Agartala railway station oh khorok sa sikla tei khorok sa sikli ni yagu pistol nogwi borok no romkha GRP thanani police. Romjaknai rokno police remand sanwi kok sungmani yagulo sawi mankha, borokni logi tei khorok sa sikli bo gwdaljak tongo hinwi. Aboni yagulo phasalni horo GRP thanani police Khowai hangkhor ni Kalyanpur thana ni police ni chubachu bai Kalyanpur amchai oh tei khorok sa sikli no romkha. Ah romjaknai bwrwi ni mung Rem Devi Debbarma. Bini omar 20 years hinwi saimankha. Phasalni horo Kalyanpur ni simi ah bwrwi no GRP thana oh tubujakha. Chasalo ah bwrui no saltham ni police remand sanwi dorbar nogo tisajakha. Chasalo Agartala railway station ni GRP thanani OC Tapash Paul oh koktwma no sawi khwnarikha.Khursathai kwlai oh thanai 24 May ni horo pistol twijak khorok sikla tei khorok sa sikli romjakha. Borokni mung wngkha Koran Debbarma tei Priya Debbarma. Borokni nog Kalyanpur thana oh hinwi saimankha. Thanai 24 May ni horo Janashtabdi Express kawi Dharmanagar ni simi Agartala oh phaikha Koran Debbarma. Huijak koktwma ni bising twi police borokni ro check khwlaiwi kaisa 9MM Pistol tei kainwi bokcha megazine mankha. Asalo GRP thanani OC Tapash Das sakha, borokni yagu biyangni pistol phaikha abono twiwi naicherwi tongo. Investigation paiyasak abono twiwi mungsa phano sawi mangwlak hinwi sakha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
