Hakotorni Loksabha chongmarini vote lekhajakna bagei sal gana rw rwk . tabok lok sabha kendra rogbo naimwthang bodolni kwrak naikulmung rijak kha. salgra hangkhorni salka loksabha kendrani bagwi kwrak naikulmungni halokno twiwi sai khwnarikha hangkhor naikulnai. phainai 4 june oh hakotorni lok sabha chongmarini vote lekhajaknai. hakotorbai baksa kheno ah salo hasreni kai nwi lok sabha kendrao bo vote lekhajak nai. hasteni salsi hangkhorni salka tripura lok sabha kendrao bebagwi kai sni bidhansabha kendra tongo. ah kai sini bidhansabh kendrani vote lekhajaknai salgra hangkhorni kai tham vote lekhajakmung kendrao. ah bidhansabha kendra rog wngkha dharmanagarni kai brwi , pani sagarni kai sa tei kanchanpur ni kai nwi.vote lekhana bagwi joto nangkukmani samung rogno jugalwi tongo salgra hangkhorni hnagkhor naikulnai. jora kisa swkangno vote lekhamao samungo tongnai tang kwrak rogni trainning bo paikha. hasteni chongmari tangbedekni okra naikulnai ponit agrawal salgra hangkhorni jugalmungn rogno naikulna bagwi thangwi sogwi kha. swrang salo kok rogno kokthum panda khwlaiwi sakha salgra hangkhor naikulnai Debapriya Bardhan. vote lekhamungni samungno twiwi jot naimwthangni raida rogno jugaljak kha. ah salo kokthum pandao hangkhorni police super Bhanupadha Chakrabarty sakha, chongmari commission ni dagimungni haikheno naimwthangni bagwi joto yapri naharjak kha. puila ni beremo tongo CRPF sengkrak rog. CRPF rogni ulo tongnai hasteni police birindiya rog. joto sei paithakgo tongnai CRPF tei hasteni police ni kwthajak tei kaisa bodol. vote lekhamungni bagwi tabok hasteni loksabha kendra rogo kwrak naikulmung rijak. joto raidano naharwi no oh naikulmung rijak kha hinwi koktwmao saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
