Sal tham romwi chung phereng kwrui adalat o. kwbangma jora romwi kok silsamwng khwlai phano mwng sa bo samwng ungliya abo ni bagwi lama kasu lai kha rajakhor aguli o joto lawyer’s rok. Haste o lai thanai tang sal ni simi bankundri remal phai mani bagwi haste ni joto hangkor ni logi rajakhor aguli o bo nokbar tei watui kwbang khe no phai kha, tei tang sal ni simi no chung phereng ni sep deramwng o kwlai jak salthang hangkor ni daira adalat o. chung phereng kwrui ni bagwi nungjak nai tui beyal o kwlai mani nukjakha. habar abo hai no ungjak adalat o chung phereng ni sep kwrui ni bagwi application phano rwoi manya ungwi tongkha, abo hai jora rogo lawyer’s motha ni achugphang tei tangphang kwbangma jora chung phereng tang bedek o saklai kha. phiya ba mwng sa bo samwng ungliya. kwrak sal ni sanja jora ni ulni simi haste gwnagui je phuru chung phereng ni sep thik ungkha ah phuru tesa hai nohai adalat o andra gundra ungjak. abo ni ulo lawyer’s rok thansa ungwi gosi mwng nakha rajakhor aguli o lama kasu lai nani bagwi. lawyer’s rok lama kasu lai mani bagwi fire brigade chowmuhuni ni simi battala thang mani lama jam nangwi thang kha, ah salni lama kasulai mani thai o thangwi sogwi kha lawyer Sanjib dutta chowdhury bi, bo saklai kha adalat ni chung phereng ni sep no twi mwng sa bo samwng bwtang yago naharliya, tei thansa ungwi lama kasu nani nangkha. tei khak sa phasing khe lama kasu lai mani pati mwng no twi kokwtma thangwi sogwi kha chung phereng montri Ratan lal nath ni thani, bo bar association ni achugphang tei tangphang bai kok sakha, tei dati khe no sep rwnai hwnui samani ulo lama kasu mani rosai rwkha lawyer’s rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
