Phai tongnai panchayet chongmari no bwskang o tonwi tang salo dharmanagar saraspur kami panchayet o kaisa sabha chnegsa jakha BJP bodol ni bwkhak twi, sabha o panchayet vote no twi kok salai mani nukjakha. Hakotor o loksabha chongmari tabuk phano choli tongkha, bwskang jora rogo no kai sini dopha ni chongmari pai nai, abo ni ulo no vote lekhajak nai.vote lekhamwng ni ulo khator jak nai kwtal kendriya hapang. tei loksabha chongmari ni ah jora rogo haste ni panchayet chongmari ni samwng bwtang bo songsa jak nani nai tongkha, panchayet chongmari ni jora rok tabuk phano saklai jakya phano BJP bodol tabuk ni simi no samwng bwtang yago naharkha. phai tong nai panchayet chongmari no bwskang o tonwi tang salo dharmanagar ni saraspur kami panchayet kaisa sabha songsa jakha, ah achuglai mwng o phawi manjak phai kha kadamtala panchayet samiti ni chiarman Subrata deb,vice chairman Vidhya bhushan das, kadamtala-kurty mandal committee ni tangphang Manna ghoshwami, OBC morcha ni pradesh tangphang Parimal chandra nath, saraspur kami panchayet ni naikolnai Sathi rani nath aksong. ah achuglai mwng o kok narugna phuru kadamtala panchayet samiti ni chairman Subrata deb saklau kha, haste o BJP hapang khator jak mani ulo 2019 bisi o saraspur kami o BJP panchayet bo khator jak kha, panchayet khator jak mani yagulo corona virus ni bagwi asuk kaham samwng khwlai manliya, teibo samwng mwthagjak tong kho. ah samwng khwlaina bagwi teisa panchayet o BJP ni batainai no kwbang kuk vote bai kwplai khwlainani naikol mwng o achuglai mwng khwlai jak kha hwnui saklai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
