Tangsalo Agartala ni Ayurbedic hospital no goriwi naikha montri okra Dr.Manik Saha. Asalo bini logi tongkha sakham tangbedekni Secretary Kiran Gitte, no khobui kubuni adongrok. Hospital ni samung humum rok bahai choliwi tong aborokno twiwi cherai naikha bo tei hospital ni doctors, nurse tei sak hamya wngnai rokbai kok sakha montri okra. Hospital ni kwbangma jwngjal no twiwi saimankha. Hospital naimani yagulo koktwma thumnai rokni bwskango montri okra sakha, Ayurvedic treatment system no lukorog puito chamani bagwi no hospital oh kwbangma sak hamya borok rok phaiwi tongo. Hospital oh tabok 50 bed tongo, ah bed no baririnani bagwi wansugwi tongo hinwi sakha montri okra. Bo teibu sakha, Ayurbedic hospital oh Ayurbedic medical college chengsana bagwi wansugwi tongo haste haphang. Abono twiwi Delhi oh swimung bwlai horkha hinwi sakha bo. Aboni logi haste oh Homoeopathic Medical College chengsana bagwi wansugwi tongo hinwi sakha. Rentas Colony gana oh State Homoeopathic Hospital, bini gana oh no ayurbedic medical college tei Homoeopathic Medical College swnamjaknai. Aboni logi montri okra sakha, aro kisa misa jwngjal tongo, ah jwngjal rokno dakti no mwthagnani bagwi dagimung rijakha hinwi sakha bo. Asalo montri okra sakha, ayurbedic hospital oh bithi painani bagwi e-tender method chengsajakyakhu. Ah e-tender method no chengsanani bagwi talnwi ni rang rijakha hinwi sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
