Bus malkhung bai thutaiwi pati mwng thaio no langma arikha khorok sa sikla ni, thwi thang nai sikla ni mwng Samrat urang, pati mwng cha salni phung o Tripura university bwskang o. Haste o lahar pati mwng thagya ungwi tongkha,ah lahar pati mwng rogo thwi mani sago dukhu man mani nukjago sal brum brum no. cha salo lahar pati mwng o langma arikha khorok sa sikla ni. thwi thang nai sikla ni mwng Samrat urang,umar bwrui chi bisi ni, pati mwng Tripura university bwskang o.saimankha, TR-07-E-7630 lombor ni bike bai khwlawi amtali ni simi bishalgarh ni harishnagar cha bagan ni phasung thangwi tong mani Smrat urang. ah jora o no agartala ungwi sabroom ni lama twi khwlawi udaipur ni phasing thangwi tongmani TR-03-1340 lombor ni khung sa bus malkhung. watui ni jora o bus malkhung no overtake khwlaina bagwi thangwi no lahar pati mwng o kwlai kha sikla. bus malkhung bau thutawi pati mwng thaio no langma arikha bike chalugnai Samrat urang. lama o thang phai khwlainai loku rok tei amchai ni loku rok bus malkhung no kau laikha, koktwma manwi pati mwng thaio phawi sokphai kha amtali thana ni police. police phawi mang kwthui no khochawi hapania sakham nogo twlang thangkha, sai mankha, thwi thang nai Samrat urang ni nok harsih nagar kami pancahyet amchai o. ah amchai kamalasagar bidhansabha bai khobjak, lahar pati mwng ni koktwma saimankhe no logi logi no sakham ogo thangwi sogwikha amchai ni MLA Antara deb sarkar, bo thwi thang nai nwkhung niborok ni phasing kha khamlai mwng yapharkha. tei khak sa phasing khe dorbar no yago twi cherwi naikol tongkha amtali thana ni police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
