Khowai amchaini kaisa rwngnokholao juwa mwthwngjagwi tongo. Amchaini cherai ni simi chengsawi joto borok rok no ah phaiwi khatung khaza ni bising twi juwa thwngwi tongmani mangpili nugwi mankha. Phiyabha cherai abohai samung sitra eba juwa thwngmani nugwi bo amchaini okra chakra rok kisa phano mana rok khwlaiya. Aboni logi amchaini naimwthang bodol rokno borokni yagni rang nawi se juwa mwthwngmano teibu phan riwi tongo. Hakotor ni Literary culture no hayungni bwskango tisakha swikwrwng Rabindranath Thakur, Aboni bagwi no nobel sokat mankha bo. Swikwrwng Rabindranath Thakur no borom riwi hakotor tei phatar hakotor oh University ni simi chengsawi kwbangma institution swnamjakha. Haste oh bo kwbangma tongo. Bini shriti no narugwi no Khowai ni salchi Jambura amchai oh chengsajakha Biswakabi Nimno voniyadi school. Phiyabha tabok ah schoolni ground oh no juwa mwthwngna chengsakha. Aro Jandi munda, handing tei chorki no khobui kwbangma thwngmung mwthwngjagwi tongo. Sarik wngkhe no aro thangwi tongbai oh amchaini cherai okra joto borok rok. Asalo kwbangma cherai rokno juwa thwngmani nugwi mankha. Kotor rok bai baksa khe batailaiwi se juwa thwngna chengkha ah cherai rok. Cherai rok khatung khaza ni bising twi juwa thwngwi tongo, phiyabha amchaini kotor rok borokno juwa thwngmani nogwi kisa phano mana rok khwlaiya. Amchaini lukorogno karwi naimwthang bodol bo siring siring wngwi tongo, aboni logi juwa thwngnai rokni yagu rang nawi tongo hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
