Agartala rail station ni simi khorok bwrui bangladeshi ni logi khoroksa bharat ni sikla bo romjkha, pha salni horo romjakha borok. agartala ni simi chennai thang nani kok tong mani. Manab pachar bai gwdaljak haste o kwbang no ungwi tongkha, ayang phasing kaham khe naikol mwng kwrui haste ni police naikolnai eba BSF sengkwrak rok. pha salni horo bo agartala rail station ni simi bharat o illegally bai habnai khorok bwrui bangladeshi sikla no romkha, abo ni logi romjak kha manab pachar bai gwdaljak khorok sa bharatiya nobo. sangrong salo no borok illegally lama bai khwlawi Bharat ni tripura o habkha, pha salni aichug o agartala-sekendrabad train bai khwlawi borok chennai thang nani kok tong mani.phiya ba train pha sal ni phung o thangya karwi horo o tyhang nai hwnui jora swlai kha, ah train bai khwlawi no thang na bagwi pha sal ni horo khorok ba sikla agartala rail station o phai kha, ah jora i GRPF tei RPF thana ni police station bwsakang o cheking khwlai tong mani, tei khorok sa ba sikla no nugwi borok swng mwng khwlai kha. swng mwng o khorok bwrui sikla sakha, illegally lama twi khwlawi borok bangladesh ni bharat o sokphaikha. ah khorok bwrui bangladeshi sikla bai khorok sa bharat ni sikla bo tong mani, romjaknai rok ungkha, Jahangir alom, Aman hoshen, Reyad hoshen tei Omran hoshen, tei bharatiya sikla ni mwng ungkha Rafikul ishlam. cha salo agartala rail station ni GRP thana ni OC Tapash das kokthum thumnai ni bwskang o sawi khuna rwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
