Mentally weak wngjak shantir bazar ni Suresh Reang ni mung khoroksa borok sal kisa swkangno shantir bazar bwkhaste ni simi kwmai thango. phiya MLA Pramod reang tei kubuni ojama rogni chaitokmung bai tabok suresh no rotokgwi nogo tubujak kha. Suresh Reang no bini mung bai shantir bazar hasteo sininai borok aswk kwrwi. phiya kuma sano mungwi hinkhe bono jotono sinio. phung ni sairik tei sairik ni simi hor jora shantir bazar ni kwbangma amchaio kumar sano ni rwchapmungno rwchapbwi ayang waisa yang waisa khe haino beraiwi tongo Suresh Reang. bini nog Shantir bazar bwkhaste bai khobjak ganga Roy kamio. Suresh no rwchap mung rog khwnakhe belaino kha swrwngjakgo amchaini lukurog. ah suresh no salsa hinkhe shantir bazar bwkhasteni simi kwmai thango. koktwmao saimankha salsa suresh shantir bazar rail station ni simi khe kumarghat ni rail kasai kumarghat oh thango. aro ni simi hinkhe himwi no kailsaharo thango. kailasahar ni kwbangma siniya nukya lamao himani yagulo salsa hinkhe suresh no mokolo kwlai kha Aftaf Ali ni. lamao tongnai swi rogni kwcharo saichongno khowaoi bachajak suresh. amtwi hai halok hamya nogwino aftaf ali suresh no bini nogo twlangwi suresh no kaham naikulmung rog rikha. yagulo suresh ni mangpili no social media oh rikhe shantir bazar ni MLA bono sinioi suresh ni nukhungni lukurogno koktwma rio. suresh no kiphilwi tuna bagwi MLA ni oro san mung khwlaikha suresh ni nokhongni lukurog. aboni yagulo no suresh no kiphilwi tubuna bagwi yapri nahar kha MLA Pramod Reang , IPFT bodolni neta Manik Tripura tei Janajati morcha ni adong Ram Babu reang. borog dati dati no kailasahar oh thangwi suresh no tubui bini nokhongni lukurogno yapharwi rikha. Aftaf ali ni kaham samung tei wansogmung kaham ni bagwi aftaf no kha kaham tei hambai yaphar kha Ram Babu reang tei Manik Tripura. khursathai kwlaio hasteo kwbangma kaham wansog mungni borok rog tongma bagwino suresh hai borok rogbo kaham khe tongwi mano hasteo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
