Phasalo Dholai hangkhor ni chamung tangbedek ni kaisa bodol Shailengta tei Moulu bazar amchaini kwbangma ice-cream factory oh raid khwlaikha. Aroni bisingo belai no sap sutra ni bising twi ice-cream swnamyani bagwi Rani ice-cream factory tei Puja ice-cream factory mungwi khungwni factory no hati barsa ni bagwi notice rikha. Haste rwgwi belai no tungphwlamani nukjagwi tongkha. Ah tungphwlamani yakni kisa aram manna bagwi twi thanda tei ice-cream rok phaiwi tongo lukorog. Dholai hangkhor ni Manu tei Chailengta amchai oh ice-cream ni sanmung belai no kasawi tongkha. Phiyabha amchaini joto ice-cream factory rok chamung tangbedekni rule rokno maniya karwi no ice-cream swnamwi tongo koksilsamung kasawi tongkha. Aboni bagwi no phasalo Dholai hangkhor ni chamung tangbedek ni kaisa bodol Chailengta tei Moulu bazar amchaini kwbangma ice-cream factory oh raid khwlaikha. Aroni bisingo belai no sap sutra ni bising twi ice-cream swnamyani bagwi Rani ice-cream factory tei Puja ice-cream factory mungwi khungwni factory no hati barsa ni bagwi notice rikha, tei baisa bwkhak Popi ice-cream factory ni kisa sample Agartala regional food labrotory oh examin khwlainani bagwi rahorjakha. Ah reports ni yagulo joto kwrak yapri naharjaknai. Asalo food safety officer Bijoy Bhattacharya koktwma thumnai rokni bwskango sakha. Asalo dholai hangkhor ni chamung tangbedek ni kaisa bodol Chailengta hati ni kwbangma ice-cream factory oh raid khwlaikha, factory sap sutra ni bising twi swnamjakyani bagwi no kwbangma factory no notice rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
