Sangrong salo agartala pura nigam ni 39 no. ward ni luajimung bai songsa jak kha sak tharwi thwi rwmani panda, ah panda o phawi manjak phai kha haste ni montri okra Dr.Manik saha, mayor Dipak majumdar tei 39 no. wrad ni corporator Alok roy akosong. Loksabha chongmari ungwi tong mani jora o haste ni dal bidal sakham nogo blood bank rgo thwi ni beyal ung mani nukjak kha. abo haijora rogo montri okra Dr.Manik saha haste ni joto motha tei loku rok ni thani kobok mwng khwlai mani sak tharwi thwi rwna ni bagwi. montri okra ni ah kobok mwng bai no sangrong salo thwi rwmani panda songsai rwkha agartala pura nigam ni 39 no. ward ni bwkhak twi. ward ni community hall o ah panda songsa jak kha. sak tharwi thwi rwmani panda o phawi manjak phai kha haste ni montri okra Dr.Manik saha, agartala pura nigam ni mayor Dipak majumdar, 39 no. ward ni corporator Alok roy akosong. montri okra panda o phawi saklai kha, covid ni jora o tei 2023 bisi ni bidhan sabha chongmari ni jora o haste ni sakham rogo thwi ni beyal kwbang no ung mani nukjakha, ah phuru no thwi rwn ani bagwi haste ni loku rok no kokbok mwng khwlai mani, ah kobok mwng no rwgui no tabuk haste ni loku rok sak tharwi thwi rwmani panda khwlai tongkha, thwi rwmani kahai kaham samwng hoda rogo kwrui hwnui sakha montri okra.sangrong salo 125 jona loku rok sak tharwi thwi rwmani nukjakha, tei abo ni logi abo hai panda songsai rwmani bagwi 39 no. ward ni corporator Alok roy no bo hambai yaohar kha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
