CBSE ni madhyamik tei kwchug madhyamik ni result phologwi rwkha tang salo no, haste ni 1st division manwi kwplai ung nai rok no video call bai khwlawi kha kham yaphar mani nukjakha Biplab kumar deb no. Tang salo phologwi rwjakha Central Board of Secondary Education eba CBSE ni class 10 tei class 12 ni result. CBSE ni madhayamik amjwk mwng o north east ni bising o 1st division mankha rajakhor aguli ni vivekananda ramkrishna mission rwng nok ni rwng swrung nai Adriraj saha.kwrak salo video call bai khwlawi Adriraj no kha kaham yapharkha haste ni kwcham montri okra eba haste sabha ni dagiphang Biplab kumar deb, sathai kwlai o loksabha chongmari ni pirlai mwng o tabuk oridsha o tongwi tong o Biplab kumar deb. phiya ba ah pirlai mwng ni bising phano haste ni rwng swrung nai no kha kaham yaphar kha Biplab kumar deb. abo ni logi chongmari ni samwng pawi haste o kiphil khe Adriraj tei bini maa-pha song bao malai nai hwnui sakha Biplab kumar deb. abo ni logi sah salo CBSE ni kwchug madhyamik exam o Tripura ni simi 1st division mankha Debangana das no video call bai kha kaham yaphar kha Biplab kumar deb. Debangana rajakhor aguli ni swami dhannanjoy das kathia bana mission school ni rwng swrung nai jwk, haste o kiphil pahwi Debangana ni maa-pha song bai bo malai nai hwnui sakha Biplab kumar deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
