Bishalgarh kendriya along nok ni simi kharwi thangkha khorok sa police no bwthar mani satug mwng o tong jak khrorok sa asami, kharwi thang nai asami ni mwng Sarna kumar Tripura.asami kharwi thang mani pati mwng no twi kendruya along nokni naikol mwng no twi swng mwng kasai tongkha. Bishalgarh ni nehal chandra nagar kendriya along nok ni simi kharwi thangkha khorok sa police no bwtharmani satug mwng manjak khorok sa asami. kharwi thang nai ni asami ni mwng Sarna kumar Tripura.bupha ni mwng Birendra Tripura. nok south manu bazar shakbari amchai ni. thanai 2014 bisi o sikok ni dorbar o romwi south manu bazar along nogo rohor mani, aro ni simi police ni naikol mwng tong phano khorok sa police no bwtharkha Sarna kumar Tripura. ah bwthar jak mani dorbar o kwdukma sal romwi no bishlgarh kendriya along nogo no chopjagwi tong mani, lai thanai bisi bwrui ni swkang bo jail ni kharwi thangkha, abo niulo teisa phatar haste ni simi romwi tubkha, kwrak salo teisa jail ni simi kharwi thangkha bo. sai mankha sal brum brum ni kahai krak salo bo jail o chopjak rok no attendance nawi tong mani, ah jora o no jelar Debashish shil tei sub jelar Nantu das nugwi mankha asami Sarna kumar Tripura kwrui. logi logi no kendriya along nogo naitug mwng khwlai kha, koktwma manwi jail o phawi sokphai kha sepahijala hangkor police super VJ.reddy. IG Pijon ni logi bishalgarh thana ni police. kharwi thang mani asami ni phasing bishalgarh thana o kaisa dorbar khwlai kha, koktwma manwi kendriya along nogo thangwi sogwi kha kokthum thumnai rok. aro kokthum thumnai rok koktwma thum na bagwi thang khe kendriya along nogo tong nai khorok sa police kokthum thum nai rok bai bai hamya khwlaikha, kokthum thumnai rok no kebeng mwng khwlaikha, tei khak phasing khe kendriya along nok ni simi asami kharwi thang mani naikol mwng ni sep rok no twi swng mwng kasai tongkha dal bidal mohol ni simi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
