Sak ni bihik no kwbuk manwi bai bwtharkha bwsai, pati mwng tang salni phung o udaipur dhajnagar police line bai khobjak tila amchai o. thwi nai ni mwng Namita dey, umar tham chi dok bisi. samwng hamya khwlainai bwsai niwmng Ashish dey, saimankha sak ni bihik kwdukma sal romwi no chasmai tonglai o hwnui. bisi chi chuku ni swkang borok kaijak mani, borok ni khorok nwi bwsajula tei khorok sa bwsajwk tong o hwnui saimankha. tang salni phung o nok ni joto borok je phuru thujak ah jora no bihik Namita dey no kwbuk manwi bai choprob kha Ashish dey.pati mwng ni ulo kwbuk manwi no twi kharwi nai mani jora o no nok ni borok nugwi bono khawi tonkha. ah salo nok ni borok saklai kha, thwi thang nai Namita dey nogo tongwi no rang aji o samwng khwlawi. ah salo koktwma manwi RK pur thana ni police pati mwng thai o thangwi sogwikha, police samwng hamya khwlainai Ashish dey no romwi thana o twlang thangkha. pati mwng thai o thangwi sogwi kha hangkor ni police super Namit pathok. bo saklaikha, forensic team thangwi cherwi naikol tongkha, romjak nai Ashish dey no swng mwng khwlai khe tei bo kok sai man sinai. dorbar no yago twi pati mwng no cherwi naikolnai hwnui sakha. police mang kwthui no post mortum ni bagwi gomoti hangkor sakham nogo rohorkha. patimwng no kitingwi amchai gwnagui no hai hola unglaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
