Koktisalo Shri Shri Ram Thakur Kavailyadham ni Mohanta Maharaj Bhavatosh Banerjee ni bisi bwrwi mwtai chama sal. Abono kitingwi koktisalo Banamalipur ni Shri Shri Ramthakur seva mondir oh kaisa thwirimani panda songchajakha. Asalni thwirimani panda no chengsawi rikha haste ni montri okra Dr.Manik Saha. Asalni panda oh kok narukna thangwi montri okra sakha, borok rok sak baithangni samungno twiwi puito narukna nangnai. Asalo thwirinai rokno kha-kaham tei hamjakma yapharkha bo. Dharma wngkha khorok sa borok rokni bwkhak bai tei khorok sa borokni bwkha milimung. Oh milimungno salni pahor hai khe thansa khwlaina nangnai. Aboni logi montri okra teibu sakha, thwirimani hai kwthar dhan tei kwrwi. Oh kwthar samungo sikla dopha no bwskango phaina bagwi koikha haste ni montri okra Dr.Manik Saha. Asalo thwirinai rok bai koklam salaikha montri okra. Thwirinai rokno kha-thangsarikha bo. Mondir ni gana gini ni kwbangma lukorog phaiwi manjakmani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
