Kokti salo rajakhor aguli ni araliya prajapita brahma kumari ishwariya bishya vidhyalay o sak tharwi thwi rwmani panda songsa jakha. ah sak tharwi thwi rwmani panda no songsai rwkha haste ni montri okra Dr.Manik saha. phawi manjak phai kha haste hapang ni montri Tinku roy akosong. panda o thwi rwni rok bi kok samani nukjakha montri okra Dr.Manik saha tei montri Tonku roy,kok narugna phuru montri okra saklaikha, loku rok ni hamkwrai ni bagwi haste hapang samwng khwlai tongkha, phiya ba mwtai ni phasing bo puito tong nani nang nai loku rok no, tabuk ni jora o bo hapang joto no logi twi samwng khwlai nani naio. Panda o koknarug na phuru montri Tinku roy saklaikha, hapang dal bidal thai o nesha mukti kendra khulugwi rwkha, phiya ba phekjak nai manwi chanai rok teibo se kwbng ungwi tongkha, abo no teibo kom khwlainani nang nai, kokti salo onternational Mother’s Day. ayanag phasing naharwi montri saklaikha, kaham khe naikol khe kwbang no haste ni bridha asharam songsa jakha, agi rogo nukjakya asuk kwbang bridha ashram. tei tini ni salo mother’s rok no twi kaisa kainwi line swi post khaikhe ung galak.Ah salo prajapita brahma kumari ishwariya bishya vidhyalay o songsa jak mani sak tharwi thwi rwmani panda o kwbang no loku rok phawi manjak phai mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
