Haste oh petrol ni jwngjal paisinai. Chasalni dam chi tamani jora oh petrol diesel train Assam ni Dima Hasao hangkhor ni Jatinga Lampur ni wngwi New Harangajao amchai par wngkha. Belai watwi phaimani bagwi ah rail line oh train cholinani mwthagjagwi thangkha. Aboni bagwi no Tripura haste oh nangkukmani manwi khwnwi ni logi petrol diesel rokno sokphaiya wngwi tongmani. North East Frontier Railway Chief Public Relations Officer Sabyasachi Dey sakha, petrol twijak train bebagwi 49 wagons no twiwi Dharmanagar oh phaiwi tongo. Aboni koktwma manwi Tripura haste ni montri okra Dr.Manik Saha Railway ni Minister Ashwini Vaishnav no hambai yapharkha. Belai watwi phaimani bagwi rail lama oh haa kowagwi kwlaimani bagwi rail lama belai no hamya wngwi kwlaikha. Aboni bagwi no phatar haste ni manwi khwnwi rok haste oh phaiwi manya wngwi tongmani. Aboni logi haste oh joto ni sai kotor jwngjal nukjakha petrol tei diesel ni. Thanai 1st May ni simi Tripura haphang petrol-diesel ni rationing system khwlaikha. Aboni bagwi petrol pump bwskango salbrom no petrol-diesel nanani bagwi kolok kolok khwlaiwi line bhachalaikha lukorog. Aboni logi amchai eba kami kami rogo kebo kebo 1 liters oh 200/300 khwlaiwi petrol phalkha. Oh patimungni koktwma khwnawi no Tripura haste ni montri okra Dr.Manik Saha rail minister ni thani koktun bwlai swikha. Chasalo rail minister 19 wagons-diesel tei 30 wagons petrol horkha, bebagwi 49 wagons haste ni bagwi horkha rail minister. Aboni koktwma manwi no social media ni bising twi rail minister Ashwini Vaishnav tei railway ni tangphang rokno khobui haste oh petrol horna bagwi sak tharwi samung khwlainai rokno bo hambai yapharkha haste ni montri okra Dr.Manik Saha. Haste oh 35 lakh liters petrol-diesel phaiwi tongo hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
