Kwrak salo RK nagar gana longtorai gura masala factory ni conferance hall o kokthum panda ni bising twi haste ni khorok bwrui international level o thung nani thangwi tongkha. borok no kisa misa chubachu rwlaimani nukjakha. Haste ni mung gwnang khorok sa bania khwlainai wngkha Annada Spices Industry. Bania ni samung no karwi bo kwbangma hoda ni hamkrai ni samungo gwdalwi tongo oh organization. Abohai kaisa thai swnamkha Annada Spices Industry bai naikoljak Longtorai Gora masala. Kwrak salo R.K Nagar ni Longtorai Gora Masala factory ni congference hall oh kaisa kokthum panda khwlaikha, aro sakhwlaijakha sal kisa yagulo international level oh thwngnai haste ni kwbangma players rokno rangni chubachu khwlaijakha. Aroni bisingo tongo yakung yakmanya swimmers Sameer Burman tei Bineet Roy. Phainai 14 may ni simi 19 may jora Singapore ni “Citi Para Swimming World Series Championship” oh participate khwlainai borok. Abono karwi bo phainai 13 august ni simi 19 august jora Sweden oh “World Master Athletics Gothenburg Championship” oh participate khwlainai Mitali Debnath tei phainai 9 june ni simi 21 june Kazakhstan ni “Asian Youth Chess Championship” oh participate khwlainai, tei Bangkok ni “Asian School Chess Championship” oh participate khwlainai Aradhya Das, asalo bono bo rangni chubachu khwlaikha Longtorai Gora Masala. Asalo ah joto players rokni yagu rangni chubachu khwlaikha Longtorai Gora masala ni bugra Ratan Debnath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
