2024 ni loksabha chongmari no kitingwi hakotor gwnagui pirlai mwng khwlai tongkha bharatiya janata party. Tripura haste ni kai nwi achugthai o loksabha chongmari ungwi thang mani ulo bodol ni sarba bharatiya achugphang JP.nadda ni gosi mwng o wai tham tei wai bwrui dopha ni chongmari pai nani swkang pachimbanga ni pirlai mwng o thangkha haste ni naikonai rok. Tripura haste ni simi khorok tham chi ni sebo kwbang loku rok tei haste ni montri,MLA rok no twi haste chongmari pirlai mwng khwlai tongkha Tripura pradesh BJP ni achugphang Rajib bhattacharjee. pachimbanga ni bolpur loksabha chongmari o BJP ni batainai Piya saha ni support o pirlai mwng ni bagwi ongkhormani cha salo nukjakha bharatiya janata party tripura pradesh ni achugphang Rajib bhattacharjee. batainai tei bodol ni samwng khwlainai rok no logi twi nok nogo thangwi pirlai mwng khwlai kha bo.wai tham ni bagwi hakotor ni montri bokhorok ungwi Narendra modi ni yak no kwrak khwlaina bagwi voter ni thani thangwi koimwng khwlai kha Tripura pradesh BJP ni achugphang Rajib bhattacharjee.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
