Phatar haste ni Loksobha chongmarini kokpirmungo ongkhorlaijak haste BJP ni ojama sng. Kebo phano achugwi tongna naiya BJP ni montri eba MLA sng. Aswk tungphwlamani jora oh phano ongkhorlaijak. Loksobha chongmari no bwskango toniwi phasalni phungo West-Bengal ni Dum Dum loksobha kendra oh BJP ni wngwi batainai Shilabhadra Dutta, tei Baranagar Assembly ni by-election oh batainai Sajal Ghosh no supports khwlaina bagwi Baranagar Assembly ni Bithi Dey colony ni 20 wardni sipai rokno twiwi nogbrom brom kokpirmungo thangkha montri Sudhangshu Das. BJP ni sipai rokno twiwi kwbangma thai oh thangkha, aboni logi lama oh bathagwi tongnai tei himwi tongnai lukorog bai bo kok sakha montri Sudhangshu Das. Montri bokhorok Narendra Modi ni yakno teibu kwrak khwlaina bagwi BJP no sak baithangni vote no rina bagwi West-Bengal ni lukorog no koikha Tripura haste ni cabinate montri Sudhangshu Das. Asalni kokpirmungo kwbangma BJP ni sipai rok phaibaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
