2024 loksobha chongmarini kainai achukthai oh chongmari batainai Rahul Gandhi. Phiyabha takwlai Amethi ni wngwi bataigwlak, Raebareli ni simi batainai congress ni MP Rahul Gandhi. Waynad ni yagulo tabok Raebareli ni simi bataimani bagwi Rahul Gandhi no kolkha montri bokhorok Narendra Modi. Bardhaman ni lukothum panda oh manjagwi montri bokhorok Narendra teibu sakha, Raul Gandhi Kirijagwi Amethi yakarwi kharka. Aboni yagulo Bengal oh chongmarini kokpirmungo thangwi sagwikha, chopsa samung bwtango twiwi thangkha aro. Asalo Bardhaman ni simi Rahul Gandhi no kollwi montri bokhorok sakha, angba puila no sayade, congress ni joto ni sai ojama chongmari oh Waynad ni wngwi bataigwlak hinwi, abohai no wngkha. Ang swkangno sakha, Shahjada Waynad oh kechennai, kirijakmani bagwi no Waynad ni wngwi bataiya Rahul. Tei bini sipai rok sao, Amethi ni wngwi batainai hinwi. Phiyabha kechennani kirijagwi Amethi ni karwi Raebareli oh kwplai wngnani bagwi lama rutugwi tongo Rahul Gandhi hinwi sakha Modi. Modi teibu sakha, congress rok joto no sao ta kiridi hinwi, angbu sao ta kiridi, ta khardi hinwi, phiyabha paithago swkangni bataimani thai yakarwi kharkha Raul Gandhi. Congress rok takwlai teibu kom seat oh kwplai wngnai. Hakotor no khaknwi khwlainani bagwi simi no chongmarino use khwlaiwi tongo INDIA Alliance. INDIA Alliance rok sudu vote bank ni bagwi no ongkhorwi tongo, phiyabha BJP bodol sabka saath, sabka bikash ni mantra no twiwi hamkrai ni samung khwlaiwi tongo. Modi haphang thanai 10 years oh kwrwi rokno 38 lakh paka nog swnamwi rikha. Aboni logi Bengal ni 6 crore lukorog no free ration rikha. Modi Bengal oh 80 lakh ni nukhungo tuini sep sap riwikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
