Lahar patimungo hai no hai kidzee school ni khungsa van. Malkhung kheto bwkhak kwlaiwi thangkha kidzee school ni khungsa van. Kisa ni bagwi bhachikha ah malkhungo kajak khorok sini rwng swrwngnai cherai rok. Phiyabha oh lahar patimungo belai no sakgo dukhumankha malkhung chaloknai. Salbrom ni hai khe no phasalni phungo bo cherai rokno twiwi school oh thangwi tongmani malkhung chaloknai. Phiyabha khorok sa cherai ni samung khwlaina bagwi ongkhorkha malkhung chaloknai. Phiyabha ah jora oh no khorok sa cherai malkhungni Accelerator on khwlaiwi rikha. Aboni bagwi malkhung cholina chengkha, aboni logi malkhung okolok okolok khachigwi phaikha malkhung chaloknai, phiyabha ah malkhungno bathakrina bagwi chaitokhe ah malkhung kheto phasing kwlaiphuru bini sago no kwlaikha. Aboni bagwi no belai no sago dukhumankha malkhung chaloknai. Khorok sini cherai rokbo kisa misa dukhumankha. Patimungno nogwi amchaini lukorog malkhungno tisawi hor bwtharnai brindhiya rokno koktwma horkha. Swrapsani bisingo no patimung thai oh phaiwi malkhung chaloknai no Dharmanagar ni sakham nogo twlangkha. Malkhung chaloknai ni mung Gunmani Singh hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
