Trinamool eba congress tei CPIM ni alliance partner phano wngthung borok borokni vote bank ni bagwi je kono khwlaiwi mano. 35 years oh CPIM bodol Tripura haste no sorbonast khwlaiwi kwlangkha. Phiyabha thanai bisi ba oh BJP Tripura haste ni lukorog ni tongmung chamungno swlaiwi rikha. Phasalo West-Bengalni Bardhaman oh chongmarini kokpirmungo yakchi bodol no yasi surwi abohai no sakha montri bokhorok Narendra Modi. I.N.D.I.A alliance no modi sakha, INDIA alliance sudu vote bank ni bagwi simi no nukjago. Tei BJP bodol Sabka Saath, Sabka bikash matra no puito khwlaioh. Asalo montri bokhorok Tripura ni kokrokno twiwi bo sakha. Montri bokhorok sakha, thanai 35 years ramwi Tripura haste oh power oh tongmani, phiyabha 35 years oh sudu vote bank ni politice simi khwlaikha borok, lukorogni hamkrai mungsa bo khwlaiya. Phiyabha 2014 bisi Tripura haste oh BJP haphang phaimani yagulo lukorog ni hamkrai ni bagwi sak tharwi samung khwlaikha. Kaisa yakchi bodol rok tola kwlwgwi thangkha, tei baisa bwkhak Tripura haste ni hamkrai ni bagwi sal kasakha. Montri bokhorok teibu sakha hakotor ni hamkrai khwlainani borokni power kwrwi. CPIM rok sudu haste eba hakotor no khaknwi khwlainani bagwi simi no politice khwlaio.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
