Co-operative bank ni exam rwna ni thangwi tong mani jora o kirima sinsa khe lahar pati mwng o kwlai kha Tripura ni kwbangma student’s rok.Dima hasao o khung sa bus malkhung lahar patimwng o kwlai mani o khorok sa ni langma arikha tei kwbang loku rok no sago dukhu mankha. pati mwng o sai mankha Tripura ni simi thangwi tongmani khung sa bus malkhung high-way o lahar pati mwng o kwlai kha, thwi thangnai student ni mwng Debraj debbarma, lahar patimwng o khorok tham chi sago dukhu mankha, abo rok ni bising o khorok dok ni sak belai khe no deramwng o kwlai jak hwnui saimankha. sago dukhu man nai rok no dati khe sak naikol mwng rwna ni bagwi shilchar medical college sakham nogo twlangwi thangkha, pati mwng ni koktwma manwi no social media o kha khamlai mwng yapharkha Tripura ni montri okra Dr.Manik saha tei kwcham montri okra Biplab Kr.Deb. social media twi post khwlawi montri okra swikha, assam ni dima hasao hangkor ni kaisa thai o haste ni khorok sa student thwikha tei sago dukhu mankha kwbang loku rok.abo hai pati mwng khunawi ang belai khe no kh khamlaijak. ang thwi thang nai nwkhung ni borok rok no ani kha bai khwlawi kha khamlai mwng yaphar o tei sago dukhu man nai rok dati khe sak rok hamthung hwnui surimwng khwlai o.abo ni logi kwcham montri okra Biplab kumar den bo social media o post khwlawi swikha abo hai pati mwng o ang belai khe no kha khamlaijak. ang mata Tripureswari ni thani surimwng khwlawi o sago dukhu man nai rok dati khe hamwi thang thung hwnui. sathai kwlai o Tripura state co-operative bank ni exam rwna ni bagwi AS-01-MC-0243 lombor ni bus malkhung tripura ni simi guwahati ni phasing thangwi tong mani. swrang sal ni hor ni dam chi nwi o dima hasao hangkor ni harengajaw ditoxchora amchai o bus malkhung lahar pati mwng o kwlai kha. sai mankha belai khe watui phai mani bagwi bus malkhung lahar patimwng o kwlai kha hwnui. lahar pati mwng o khorok sa thwi thang nai ni mwng Dipraj debbarma, bo kamalpur ni tong nai, bini tal nwi swkang kaijakmani, tei sago dukhu man nai rok bo belai khe nosak derajak hwnui saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
