Rajakhor aguli ni logi belai khe no satung tungmani nukjakha Tripura haste o. dipor jora o asuk khe no kolom mani khiklai o abo ni logi o lama lampra rogo tei ongkhor nani bo mwchungya, nok bising phano kolom mani bagwi tong nani mwchugya. abo hai habar rogo yapri rwkha haste ni dal bidal club,samiit, motha rok, kwrak salo abo hai no mangpili nukjakha rajakhor aguli o. abo hai kolom mani jora o lama o thang phai khwlainai loku rok no kha kwchaang rwna ni bagwi thanda tui,sorbot bagwi rwmani nukjakha dhaleshwar prantik club. club ni luajimung bai ah salo songsa jakha samwng bwtang. lai thanai sal nwi saltham romwi no haste o belai khe no tungphulai khiklaikha, temperature 40 degrees celsius lai nani nai tongkha, abo ni bising o chwrai rok ni kok wansugwi phai tong nai 1st may jora school chuti ni gsoi mwng rwkha haste hapang, abo hai jora o lama o thang phai khwlainai loku rok nikok wansugwi abo hai kaham yapri naharkha kwrak salo hwnui sakha prantik club ni tangphang Dibendu dutta, tui thanda manwi kha kwchang mani mankha lama o thang phai khwlai nai loku rok, malkhung chalugnai tei auto,riksha chalugnai rokbo. Bisi brum brum no dal bidal samwng bwtang bai gwdal jak tong o dhaleshwar ni prantik club. abo hai no loku rok ni bagwi yapri naharnani bagwi koimwng khwlaikha dal bidal hoda naikolnai motha no kwrak salo prantik club ni ojama song.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
