Belai tungphwlamani bagwi nogo tei phataro tongnani belai no kosta wngwi tongkha. Aboni bagwi no tungphwlamani yakni kisa rehai mana bagwi hatini thanda manwi ni sanmung belai no nukjagwi tongo. Lukorog dalbidal ni juice eba chamung bwthai paiwi tongo, oh koloma jora oh kisa phano kolomani yakni kakna bagwi lukorog belai khe no momphol paiwi. Sal kisa ramwi belai tungphwlamani bagwi momphalni sanmung belai no nukjagwi tongo. Aboni bagwi no hatini momphal phalnai rokbo borokni manwi khwnwi no twiwi achukkha hatio, Tangsalo Telimaura hati oh lukorog momphal pailaikha. Per KG oh 30 rupees khwlaiwi phalkha. Haste rwgwi phatar ni momphal simi no mantjogwi tongsio. Haste oh kwbang khwlaiwi momphal kaiwi manya wngwi tongkha haste ni hukbar khwlainai rok. Oh tungphwlamani jora oh momphal ni logi logi lukorog narika dhap no nungmani mangpili nukjakha. Teliamura Shivbari gana ni lahar oh abohai no mangpili nukjakha. Asalo dhap ni bania khwlainai bai kok sai sawimankha je, oh tungphwlamani jora oh lukorog no dhap phalwi no bini nukhung choliwi tongo hinwi sakha. Kami kami ni oh narika dhap no aulio tubuwi phalo hiwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
