Haste oh belai no tungphwlamani bariwi tongkha. Dipor jora oh belai no satung tungmani bagwi lama rok joto no tungmani mar wngwi tongkha. Nogni Phataro tongnani ta belai no kosta, aboni logi nog bisingo tongnani sudu kosta wngwi tongkha. Oh jora oh chubachu khwlainani bagwi haste ni kwbangma samiti, bodol, tei songstha rok bwskango phaikha. Chasalo Agartala oh abohai no mangpili nugwi mankha Agartala oh. Bharatiya Janata Party i 8-town Bordowali monda bai khobaj 20 ni ward ni bwkhak twi tei Tripura distributir association ni bwkhak twi aulini kai ba thai oh tui kwchang tei sorbot kharinani samung bwtangni yapri naharkha. Oh satung tungmani jora oh lama oh himnai lukorog no nungjaknai tui thangda tei sorbat bakkha Agartala municipal corporation ni mayor eba 7-Ramnagar ni by-election oh BJP ni wngwi batainai Dipak Majumder. Asalo bini logi tongkha Agartala municipal corporation ni 20 no ward ni corporator Ratna Datta. Thanai sal kisa ramwi haste oh belai no tungphwlamani mar, abori bisingo watwi phaiya kisa phano. Haste ni temperature tabok 40 degrees Celsius. Belai satung tungmani bagwi sal ba ni bagwi rwngnog rokno kholobwi rikha haphang. Ah jora oh lukorog no kisa hama-horrina bagwi nungjaknai tui tei sorbot bakkha mayor Dipak Majumder. Abohai kwthar samung yago nahamani bagwi Tripura distribution association ni joto members roknokha kaham tei hamjakma yapharkha mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
