Salka Tripura ni loksobha chongmari lukorog ni thani kaisa challenge ni chongmari. Bjp bodol oh chongmari no farce khwlaina naimani. Salka Tripura ni kokpirmung paimani yagulo salka Tripura ni kwbangma bidhansabha amchai oh hamla khwlaikha BJP bodol- phasalo salka Tripura ni chongmari paimani yagulo kaisa kokthum panda khwlaiwi abohai no sakha haste ni kebengnai bodol ni ojama Jitendra Chowdhury. Asalni kokthum panda oh manjakha salthang Tripura oh I.N.D.I.A ni bwkhak twi batainai Asish Kumar Saha tei yakchi bodol ni ojama Narayan Kar no khobui kubuni adongrok. Asalo kebengnai bodol ni ojama Jitendra Chowdhury sakha, Teliamura bidhansabha amchaini kaitham nogo hamla khwlaikha samung sitra tangnai rok. Abono karwi bo Khowai, Hrishyamukh, Dharmanagar tei Kamalpur oh bo hamla khwlaimani koktwma mankha. Asalo bo teibu sakha, aswk satung tungmani jora oh bo tongkosong lukorog vote rina phaikha. Phiyabha kiri koroni yak kakjak tei tongkwchangni bising twi chongmari wngkha hinwi sawi manya. Tamoni bagwi hnk haphang naikolnai bodol no joto no nosta khwlaiwi rina muchungjakha. Aboni bagwi tongkosong lukorog tei election commission, keboni power kwrwi je tongkwchangni bising twi chongmari khwlainani. Asalni panda oh kok narukna thangwi salthang Tripura oh I.N.D.I.A ni wngwi batainai Asish Kumar Saha sakha, haste ni tongkosong lukorog no sikiri sokoro khwlaiwi kainwi achukthai no no habar tungphwla rikha haphang naikolnai bodol rok. Abono karwi bo chongmarini samungo sebok khwlaiwi tongnai sebok rokni samungo bo gwdalkha BJP bodol. Abohai no koksilsamung tisakha Asish Kumar Saha. Aboni yagulo bo teibu sakha, chongmari ni presiding officer rok no bwkha, tei sikiri sokoro khwlaikha BJP ni sipai rok hinwi election commission ni thani thangkha I.N.D.I.A ni ojama sng. Phiyabha aboni prove tabok phano manyakhu. Kebengnai bodol rokni koksilsamung no maniya BJP bodol. Borokni koksilsamungo kaisa no proe kwrwi ni bagwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
