Tongkwchang habar ni bisingtwi no haihola ung mani nukjakha,vote rwiya sini swkang no voter rok no nogo kiphilwi thang nani bagwi sawi tongkha OC. patimwng pecharthal bidhansabha bai khobjak 32 no. mitinga chora vote kendra o. ah vote kendra o vote rwna ni bagwi phaijak khorok sa borok saklaikha, mitinga chora vote kendra ni simi 200 meter hachalo khung sa thai o voter rok ni bagwi nungjak nai twi tei achugna bagwi sep khe rwjak mani, vote rwoi pawi ah thai o achugwi tongmani voter rok. ah phuru no vote kendra ni phasing thangwi tongmani kanchanpur thana ni OC Uttam debbarma. ah jora malkhung ni simi ongkhorwi atomsa khe phawi manjak mani voter rok no latha bai khwlawi bwlai mani nukjakha. tei abo ni logi vote rwna ni phaijak loku rok line o bachajak nai rok no sawi tongkha tei vote rwna ni nangya hwnui, nogo thang paidi. abo simi ya, vote kendra ni simi 300 meter hachal o kaisa kami o thangwi aro ni loku rok no bwlai kha ah OC.latha bai bwma bai sago dukhu amnkha khorok nwi tei khorok nwi ni mobile phone bo segwi naharkha hwnui saimankha. mwng sa bo chaiya kwrui tangwi abo hai samwng khwlaikha abo ni bagwi vote boycote khwlaikha amchai ni voter rok. abo ni ulo kwchug thai ni samwng khwlainai rok ni sep bai teisa vote ungkha ah kendra o.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
