Phung ah siri siri daa bai tanwi bwtharkha khorok sa borok no, sangrong salni phung o ah pati mwng patikha udaipur tepania palpara amchai o, koktwma manwi forensic team no logi twi pati mwng thai o thangwi sogwikha bwkhaste police okra naikolnai Ajoy debbarma tei hangkor police super Namit pathok. bwthar mani kok silsamwng o samwng hamya khwlainai no romkha police. kok banglai mani no ytwi bwthar jakha hwnui wansuk mwng bwkhaste police ni. pati mwng o saimankha sangrong salni aichug ni dam bwrui o tepania palpara amchai ni sak ni nogo bwthar jakha Narayan das ni mwngui umar dok chi ba ni khorok sa borok. kwbuk manwi daa bai khwlawi bono tanwi bwthar kha bini buphayung Haradhan das ni buchamari Judhistir sarkar.police ni thani abo hai khe no koksilasamwng khwlaikha Narayan das ni tei khorok sa buphayung Jaharlal das. abo hai mangpili nugwi wanlaijak nok ni borok rok. buchamari Judhistir sarkar no khawi tonkha dori bai, abo ni ulo koktwma rwjakha radha kishorepur thana o, logi logi no pati mwng thai o phawi samwng hamya khwlainai Judhistir sarkar no romwi thana o twlang thangkha radha kishorepur thana ni OC Babul das. forensic team no logi twi pati mwng thai o thangwi sogwi kha bwkhaste police okra naikolnai Ajoy debbarma tei hangkor police super Namit pathok. swrang salni horo Narayan das ni nogo achugwi no chuwak nungwi tongkha buchamari Judhistir sarkar, abo ni ulo kaisa kok no twi kok banglaimani o no bwthar jak kha hwnui wansukmwng radha kishore pur thana police ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
