Sak ni buma tei bupha phatoi bai umar kasukya bwrui busa no choprobmani pati mwng no kitingwi hai hola unglai jak udaipur amchai gwnagui. social media twi kaisa vedio viral ungkha, aro nukjakha, pukhiri par oh bacharwoi khorok sa umar kasukya bwrui bwsa no bwtok khwlai tongkha khorok sa chula tei bwrui. kotor dori bai khawi sotnwi tongkha ah bwrui busa no. kokthum thum nai thani ah vedio manwi cherwi naikol tongkha udaipur bwkhaste kakraban thana ni police. pati mwng o sai mankha, ah bujak nai bwrui ni mwng Mousumi, umar chi ba bisi ni, ah bwrui busa no khorok sa umar kwbang borok bai kai na bagwi nai tongkha bini buma tei phatoi bupha. Mousumi sak ni bupha thwi mani ulo, hiran mia ni mungwi khorok sa chula bai kaijak kha bini buma, ah Hiran mia no bini phatoi bupha. khorok ni miliwi satug mwng khwlai o Mousumi no. tabuk borok ni wansuk mwng khorok sa umar kwbang chula bai kairwkhe kwbang rang man nai hwnui.phiyaba kaijak nani gosiya Mousumi, ah dorbar no yago twi samwng ahmya khwlai nai Mousumi ni phatoi bupha no romkha kakraban thana ni police.abo hai khe satug mwng khwlai mani vedio social media o nugwi haste ni loku rok wanalaijak.
