Phainai 26 april ni salmari oh salka Tripura oh loksobha chongmari wngnai. Salka Tripura achukthai ni bagwi kokpirwi tongo kwbangma thai oh. Aboni wngwi no Salka Tripura oh batainai Maharani Kriti Singh Debbarma no supports khwlaiwi tangsalo Teliamura oh kaisa road show khwlaijaknai. Ah road show no success khwlainani bagwi koktisalo kaisa panda songchajakha. Tangsalni road show no twiwi koktisalo Teliamura oh thangkha Maharani Kriti Singh Debbarma. Phiyabha atomsakhe sak hamya wngwi kwlaikha bo. Aboni bagwi no ah panda oh manjagwi manliya bo. Aboni yagulo amchaini MLA-jwk Kalyani Saha Roy ni twidulmung bai asalni panda khwlaijakha. Asalni panda paimani yagulo koktwma thumnai rokni bwskango phaiwi tangsalo road show no twiwi swbai sukurwbwi sai khwna rikha MLA Kalyani Saha Roy. Asalni panda phaimani yagulo salka Tripura oh BJP ni wngwi batainai Kriti Singh Debbarma ni sak hamya wngmani koktwma no sawi manna bagwi Teliamura Sarkari Dhak Banglow oh thangkha MLA Kalyani Saha Roy no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
