Salbwrwi ramwi carrent mwchwngwi manya wngwi tongkha Borjola gram panchayat pal para amchaini lukorog. Koktwma oh sawi mankha, salbwrwi swkang belai no watwi phaimani bagwi, kotor kotor bwphang waphang baiwi kwlaikha carrent tar sakao, aboni yagulo phereng tangbedekno waire wai samani yagulo bo phereng tangbedekni bwkhak twi mungsa fano yapri naharjakya. Chasalo phereng tangbedekni sebok rok amchai oh thangkhe carrent swnamwi rinani bagwi sanlaikha. Phiyabha phereng tangbedekni sebok amchaini lukorog no sakha, phainai hati barsa ni yagulo amchaini carrent swnamjaknai hinwi, oh kok no khwnamani yagulo no carrent swnamjaknai chokam no segwi narwkha amchaini lukorog. Aboni yagulo amchaini bwrwi rok koothomlaikha tei sakha, dakti no carrent swnamwi riya hnk amchaini lukorog lahar kasumungo ongkhorkha hinwi sakha borok. Salbwrwi ramwi carrent kwrwi ni bagwi oh satung jora oh cherai rok tongnani belai no kosta wngwi tongkha, chakra borok rok belai no satung tungmani sowi manyani bagwi sak hamya wngwi kwlaikha. Carrent kwrwi ni bagwi nukjaknai twi rok manya wngwi tongkha, amchaini waisa phano twi phaiya wngwi tongkha. Aboni bagwi belai no jwngjalo kwlaikha amchaini bwrwi. Amchaini lukorog ni kok no khwnaya hnk phainai salo kotor choba oh ongkhornai hinwi sakha bwrwi bodol. Tei phereng tangbedekni sebok rok faki rina naimano maniwi nahargwlak hinwi swrai swrai khe sai rikha asalo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
