Chasalni sarikphango South Charilam gram Panchayat amchaini phereng tangbedekni helper Ramu Saha no bwlaikha amchaini khoroktham sikla rok. Aboni yagulo phereng tangbedekni sebok Ramu Saha no Bishramganja primary health center oh twlangkha. Koktwma oh saimankha, watwi phaimani bagwi South Charilam gram Panchayat ni kwbangma thai oh carrent pillar baiwi kwlaikha. Aboni bagwi amchai rwgwi belai no jwngjalo kwlaikha. Chasalni phungni simi no phereng tangbedekni sebok amchaini jwngjal no mwthakna bagwi samung khwlaiwi tongkha. Phiyabha amchaini lukorog ni sanmung wngkha kaisa jora oh no joto no carrent horna nangnai hinwi. Phiyabha phereng tangbedekni sebok abo wngwi mangwlak hinwi sama bai thamchi kajagwi thangkha ah khoroktham sikla rok. Aboni yagulo phereng tangbedekni sebok Ramu Saha no bwkha amchaini khoroktham sikla. Aboni yagulo phereng tangbedekni sebok no Bishramganja ni primary health oh twlangjakha. Amchaini ah khoroktham sikla no kebengwi Bishramganja thana oh mamla khwlaijakha hinwi sakha manager.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
