Sangrong salo salthang Tripura achukthai ni loksobha chongmari wngkha. Asalo ter hai khe no haste rwgwi chongmari wngkha. Asalo phungni simi kwbangma vote center oh voters rokno line kolokma khwlaiwi bhachawi tongmani nogwi mankha. Tongkosong lukorog bai baksakhe line oh bhachawi vote rwikha haste ni rangthong montri Pranajit Singha Roy. Asalo Radhakishore pur bidhansabha bai khobjak Udaipur ni pora porisad ni tangnogo vote rikha bo. Asalo vote rimani yagulo koktwma thumnai rokni bwskango montri sakha, thanai bisi chi ramwi montri bokhorok Narendra Modi ni twidulmung bai hakotor rwgwi je hamkrai khwlaiwi tongo, aboni bagwi no hakotor ni kwbangma lukorog Narendra Modi no montri bokhorok swnamna bagwi swmai tangkha. Tripura ni hamkrai ni bagwi joto no vote rinani bagwi koikha montri Pranajit Singha Roy.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
