Ganatantra ni joto ni sai kotor ter wngkha chongmari. Hayungni bisingo joto ni sai kotor ganatantrick desh. Aboni bagwi no hakotor rwgwi ter hai khe palaijagwi tongo chongmari. Phasalo hakotor rwgwi puila dopha ni loksobha chongmari wngkha. Aboni yagulo teibu kai dok dopha ni bising twi loksobha chongmari wngnai. Hakotor ni logi haste oh bo ter hai khe palaijakha chongmari. Asalo tongkosong lukorog hai khe no line oh bhachawi aulini Ram Tahkur college oh vote rikha pradesh BJP mohila morcha ni ojamajwk Mimi Majumder. Vote rimani yagulo koktwma thumnai rokni bwskango bo sakha, hakotor ni joto lukorogni hamkrai ni bagwi kwbangma projects ni yapri naharkha montri bokhorok Narendra Modi. Hakotor tei haste ni hamkrai ni bagwi joto no vote rina bagwi haste ni lukorog no koikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
