Puila o sakni buma ni surimwng, abo ni ulo Ama Tripureswari no khulumwi chongmari ni puila dopha ni vote rwkha pha salo salthang Tripura ni BJP bodol ni ungwi batainai Biplab kumar deb. rajakhor aguli ni simi pha sal ni phungo thangkha udaipur ni phasing.udaipur o thangwo puila Tripureswari ama no mwtai rwoi udaipur english medium rwng nogo vote rwna ni bagwi thangkha Biplab kumar deb. vote rwmani ulo kokthum thumnai bwskang o salthang Tripura kendra ni BJP ungwi batainai Biplab kumar deb saklaikha, democracy ni joto ni swlai kotor ter songsa jakha. hakotor ni mwng kwchug o karwna ni bagwi padda bubar ni mari o vote rwoi Narendra modi ni yak no teibo kwrak khwlaikha. pha salni phung ni simi ter ni kahai haste ni loku rok vote rwoi tongkha hwnui sakha bo.loksabha chongmari o pha salo kok silsamwng tsa kha India alliance ni batainai Ashish kumar saha, vote cheng drop rogo no India allince ni polling agent rok no kebeng mwng khwlai kha no, ah kok silsamwng joto no kok phirogkha Biplab kumar deb, kokthum thumnai rokni swng mwng o bo saklaikha, CPIM tei congress ni alliance no gosiwi nahar manliya haste ni loku rok. abo ni bagwi no abo hai kok rok sawi tongkha. montri bokhorok ni naikol mwng o lai thanai bisi ba o haste o je kaham samwng ungkha abo ni bagwi tongthoklai jak Tripura ni joto loku rok.loku rok ni hamjakma manwi no kwbang kuk vote bai Narendra modi no wai tham ni bagwi bharat hakotor ni montri bokhorok ung nai hwnui pha salo sakha salthang tripura loksabha kendra ni BJP bodol ni ungwi batainai Biplab kumar deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
