Election Commission ni raida ni kahai chongmari ni dam bwrui chi char ni swkang no ah thai ni simi joto pirlai mwng rok mwthagwi ton na bagwi saklai jago joto thung kwrung bodol rok no. abo hai khe no 17 april salmari srang sal ni sarig ni dam ba o paikha salthang Tripura loksabha kendra achugthai tei ramnagar kendra ni by-election ni pirlai mwng. swrang sal ni dam ba ni simi saklai rwjakha 144 dhara, joto thung kwrung bodol no chongmari sabha, road show tei mwng sa bo pirlai mwng khwlai man galak hwnui gosi mwng rwkha Tripura haste ni chief election commission. phai tongnai loksabha chongmari tei ramnagar bidhan sabha kendra ni by-election no bwskang o tonwi aguli gwnagui no kwrak naikol mwng rwna ni bagwi salthang Tripura hangkor ni hangkor naikolnai Dr.Bishal kumar ni anikol mwng o swrang sal ni horo rajakhor aguli o flag march khwlai kha nai mwthang bodol. ah flag march o phawi manjak phai kha salthang tei salka thana ni OC, nai mwthang bodol tei kendriya ni sengkwrak rok. aguli beraimani ulo salthang Tripura ni hangkor naikolnai Dr.Bishal kumar saklaikha, 144 dhara tong phano bike bai khwlawi aguli rogo berai tongkha sikla rok. phatwi chana ni bagwim cold drink paina bagwi eba bayap ni nogo thang na bagwi lama o ongkhor jak loku rok, chongmari ni raida no twi mwngsa bo naharmwng kwrui tong kosong loku rok ni, tei phai tong nai sal nwi 144 dhara ni kahai khe choli na bagwi kwrak khe gosimwng rwkha salthang Tripura hangkor naikolnai Dr.Bishal kumar, abo ni logi mwng sa bo hamya pati mwng pati khe logi logi no 1950 lombor o phonre khwlawi kok silsamwng khwlai mano aguli ni loku rok. rajakhor aguli o naikol mwng rwna ni bagwi salthang Tripura hangkor naikolnai Dr.Bishal kumar ni abo hai kwrak sep nahar mani o kha phur jak tongkosong loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
