Je borok sakni bihik tei nok ni borok no borom rwiya, bo hakotor ni loku rok no bobo hai khe borom rwnai,’beti bachaw,beti poraw’samwng bwtang simi chengwi rwkhe ung galak,bwrui rok no borom rwna ni nang o. mwng saiya karwi hakotor ni montri bokhorok Narendra modi ni phasing abo hai khe no samani nukjakha 6 agartala kendra ni congress ni MLA Sudip roy barman no. rajakhor aguli ni post office chowmuhuni gana pradesh congress bhavan o kokthum panda khwlaikha swrang salo. ah panda o phawi manjak phaikha MLA Sudip roy barman, salthang Tripura loksabha achugthai ni India alliance ni batainai Ashish kumar saha tei congress ni sarba bharatiya tangphang jwk Szarita Laitphlang.ah salni kokthum panda ni simi hakotor ni montri bokhorok ni phasing kok silsamwng tisakha Sudip roy barman. bo saklaikha,’beti bachaw,beti paraw,jonodhan yojona, PM abash yojona ni kahai kwbangma sep naharkha kendriya hapang. phiya ba sak ni bihik tei nok ni borok no kisa phano borom rwiya. abo hai borok hakoto ni bagwi tamo khwlainai. abo ni logi kendriya prati montri Pratima bhoemik ni logi BJP belai khe no chaiya khwlaikha hwnui swrang salo sanlai mwng khwlai kha congress ni MLA Sudip roy barman. bo saklai kha, je borok haste ni loku rok ni bagwi joto ni swkang thangwi chubalai o, bono no norwi rwkha BJP. tei je borok bangla, kokborok mwngsa bo sai maniya, haste ni loku rok bai waisa jora phano kwrungya kho, bono no batainai chonghorwi rwkha loksabha chongmari o. swrang salo abo hai khe no kok silsamwng khwlai kha Sudip roy barman. pradesh congress bhavan o songsa jak mani kokthum panda o dalbidal bodol yakarwi khorok tham chi ba voter gwdal phaikha congress bai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
