India alliance phan o phaikhe Pakisthan tei Chin ni thanai bharat hakotor no phalwi rwnai. India alliance phan o phaikhe puila o no loku rok no deramwng rogo khiklainai, je borok rok abohai kok saoh, borok no bharat hakotor o tong nani mwng sa bo sep rwjak galak. rajakhor aguli ni kalyani o songsa jak mani lokuthum panda o phawi abo hai khe no samani nukjakha salthang Tripura loksabha achugthai ni BJP ni ungwi batainai Biplb kumar deb, 9 banamalipur mondal ni luajimung bai songsajak mani chongmari ni lokuthum panda o phawi manjak phaikha haste ni montri okra Dr.Manik saha, bharatiya janata party ni pradesh achugphang Rajib bhattacharjee, BJP ni sadar aguli hangkor achugphang ashim bhattacharjee tei banamalipur mandal ni achugphang Chandra sekhor deb. ah salo joto tong kosong loku rok ni phasing naharwi khuk kengkha bo saklaikha, kwdukma bisi romwi CPIM tei congress rok kaisa tei kais bodol no bwthar laikha, choproblaikha abo rok nugwi mankha haste ni loku rok. tei tabuk khe borok no thansa unglaikha. communist rok saklai tongkha Tripura no mwthang na hwnkhe yapha ni mari o vote rwna ni nang nai. montri bokhorok Narendra modi hakotor no kwchug o tisa nani bagwi loku rok ni tax ni rang je ton mani abo rok no communist rok pai rwna ni nai tongkha, abo ni phasing kebeng mwng khwlai kha salthang Tripura loksabha kendra ni BJP ni batainai Biplab kumar deb. chongmari ni lokuthum panda pawi 6 agartala mondal ni luajimungbai rajakhor aguli ni indranagar o songsa jak mani road show o phawi amnjak phai kha Biplab kumar deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
