Tripura o CPIM rok loku rok no thokogwi tongkha, tiprasa loku rok no je kok rwmani abo rokjoto no soi khwlai jaknai, tang salo kumarghat PWD thung khola o chongmari no kitingwi lokuthum panda o CPIM ni phasing naharwi khung keng kha kendriya union home minister Amit shah. ah salo Bharat hapang, Tripura hapang tei Tipra motha ni agreement no twi kok sana phuru union home minister Amit shah saklaikha, ah agreement bai no haste ni tiprasa loku rok joto sep man sinai. phiya ba communist rok abo no nasigwi manya ungwi tongkha, tei borok tiprasa loku rok no hamya kok rok sawi tongkha,bo saklai kha 2017 bisi ni december talo Tripura ni loku rok ni bagwi puila rally khwlai nani bagwi phai mani bo. aro ni simi no Tripura o communist kwrui khwlai nani naikha, kwdukma choba khwlai mani ulo commusnit rok ni yak ni simi ongkhorwi mankha Tripura ni loku rok. abo ni ulo puila Biplab kumardeb tei tabuk Dr.Manik saha ni naikolmwng o kwchug o kawi tongkha Tripura. asuk sal romwi communist rok maharaja bir bikram kishore manikya kishore no Tripura ni loku rok ni kha bising ni tikhlai nani nai mani borok. phiya ba montri bokhorok Narendra modi maharaja ni mwngui Tripura o airport swnamwi bono Tripura ni loku rok ni bwskang o borom rwkha. abo ni llgi Satyaram reang tei Beni chandra jamatia ni kahai sikla no Padma Shri Award bai borom rwkha montri bokhorok modi. bahrat hakotor o asuk kwbangma tiprasa loku rok ni bagwi janajati kalyan mantranalai o agi 24 thousand’s crore rang ni budget tong mani, phiya ba abo rok kwbang khwlai jakha tabuk, abo ungkha 1 lakh 25 thousand’s crore rang , joto no montri bokhorok modi ni bagwi no ungwi mankha. north-east ni bising o 10 thousand’s sikla rok no borok no thinang ni lama phunuk kha montri bokhorok narendra modi ni naikol mwng o bharatiya janta party hapang, kwchug thai o kana ni bagwi usulwi kwrui Tripura bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
