Bisi brom brom no 14-april ni salmari oh hakotor rwgwi no Bharat hakotor ni 1st Law Minister eba indian Constitution ni maker Bharat Ratna manjak Dr.B.R Ambedkar ni achaima sal palaijagwi tongo. Bharat ni okologo kwlaijak lukorogno satok pitok khwlainai rokno kebengwi choba khwlailangkha bo. caste system eba Jatibed pratha no kebengwi choba khwlailangkha Dr.B.R Ambedkar. Koktisalo Tripura pradesh BJP ni topsilijati morcha ni luajimung bai aulini BJP ni chongmarini tangnogo Dr.B.R Ambedkar ni 134 bisi achaima sal palaijakha. Asalni panda oh manjakha pradesh BJP ni president Rajib Bhattacharya, vice-president Tapash Bhattacharya tei Topsilijati morcha pradesh ni president Arabindhu Das no khobui kubuni adongrok. Hoda ni joto dopha ni lukorogni manthai no manna bagwi choba khwlainai Dr.B.R Ambedkar ni mangpili oh khom riwi borom yapharkha pradesh BJP ni president Rajib Bhattacharya. Hakotor ni logi haste ni kwbangma thai oh palaijakha Dr.B.R Ambedkar ni 134 bisi achaima sal.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
