Koktisalo haste rwgwi no bisi kwtal sal palaijakha. Asalo haste ni joto lukorog borokni sak baithangni muchung twi no asalno palaiwi tongo. Asalo Hindu Dharmani lukorog mondir oh thangwi mwtai riwi joto ni hamkrai ni bagwi suriwi tongo. Koktisalo Agartala ni Lakkhinarayan bari ni mondir oh phungni simi no kwbangma boktorokno phaimani nukjakha. Sak karurwk boktorok phairwrwk wngwi tongmani nukjakha. Asalo bisi kwtal no kitingwi Agartala ni Lakkhinarayan bari oh bania khwlainai rok borokni bania ni khata rokno tubuwi mwtai khwlairiwi tongo, aboni logi kebo kebo asalo Lakkhi Ganesh mwtai bo khwlaiwi tongo. Mondir ni phataro line khwlaiwi achugwi tonglaikha pujari rok, borok bania khwlainai rokni khata rokno mwtai khwlaiwi rio. Kebo kebo nukhung hamkrai tei bania ni hamkrai ni bagwi mwtai khwlaiwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
