Mahabharat ni kok eba choba ni kok no twi koksamnai nukjakha pha salo pradesh congress ni MLA Sudip roy barman no. pha salo pradesh congress bhavan o songsajak mani kokthum panda o abo hai khe no khuk kenkga Sudip roy barman, bini ah kok ni simi saimankha naikolnai bodol ni phasing naharwi abo hai khe kok sakha bo. sak ni samwng no mwthagna bagwi rabuk dharma ni kok sawi tongkha congress. sathai kwlai o, o bisi ni 22 january Ayodhya o ram mandir ni panda o thangwi manjak na bagwi invite man mani congress ni kwchug thai ni adong Mallikarjun kharge, Sonia gandhi tei Adhir ranjan chowdhury. phiya ba abo hai kotor panda o thung kwrung bodol ni mwngui sawi kebeng mwng khwlai kha congress ni ah khork tham adong.tabuk khe ah congress bodol rok no dharma ni kok sawi tongkha. sak ni samwng hamya no mwthag na bagwi tabuk dharma ni kok sawi tongkha congressni MLA Sudip roy barman. ah thai rogo bachawi naikolnai bodol chongmari no kaisa panda ni kahai palai nani nai tongkha. aro rogo chongmari ni habar no tungphwlai nani nai tongkha congress. dharma ni kok sawi tabuk khe loku rok no pai nani nai tongkha congress. kaisa jora o CPIM ni phasing choba khwlai mani congress, phiya ba ah kok rok pogwi tabuk khe communist rok bai no thansa unglaikha congress.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
