Loksabha chongmari o montri bokhorokno norna bagwi hakotor ni kebeng nai bodol rok thansa ungkha, sakni naikol mwng no joto ni bwskang o phunok na bagwi Indi alliance ni mwngui kaisa mancha bo swnam kha kebengnai bodol rok. rishyamuk o songsa jak mani chongmari ni loku thumpanda o phawi manjak phawi haste ni kebeng nai bodol ni phasing kwrak salo khuk kengkha haste ni montri okra Dr.Manik saha. rishyamukh bidhansabha kendra ni salsi sonaichori rwng nok ni thung khola o songsa jak mani loku thum panda o ah salo phawi manjak phaikha Tripura hapang ni labor minister Tinku roy, salka Tripura loksabha kendra ni BJP ni batainai Kriti singh debbarman, Subal bhowmik ni kahai bharatiya janata party ni kwbangma naikolnai rok.ah salo montri okra saklaikha, montri bokhorok Narendra modi ni naikol mwng o joto phasing twi no phan kwbang ungkha hakotor. abo ni ulo montri okra teibo saklaikha, CPIM tei congress ni jora o bwthar jak mani, satug mwng ni kahai kwbang pati mwng patikha Tripura o. phiyaba 2018 bisi o haste o BJP hapang phai mani ulo bwthar jak mani choprob jak mani pati mwng pati mani asuk kwbang nukjakya. abo simi ya, tei khak sa phasing khe keral o khe CPIM tei congress batailai tongkha, Tripura o khe ba allianc ungjak. yaksi ni jora o kwbangma congress ni samwng khwlainai bwtharjak kha. tei tabuk khe allince ungkha.Hakotor ni montri bokhorok Narendra modi ni naikol mwng no logi twi no rishyamuk o lokuthum panda o bharatiya janata party ni bana tisawi kwrak salo BJP bai gwdal phaikha kebeng nai bodol ni 312 jona voter. 117 nwkhung ni kwbangma voter no BJP bodol o bana bai khwlawi lamsogwi naharkha haste ni montri okra Dr.Manik saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
