Phai tongnai loksabha chongmari o salka Tripura loksabha kendra ni simi BJP bodol ni ungwi Tripura royel family ni sajwkma Kriti singh debberman ni mwng gosi mwng rwkha Bharatiya janata party ni kendriya committee. tabuk ni bising o nomination bwlai yapharwi bo rwjak kha. phai tong nai 26 april salmari o songsa jak nai chongmari. vote ni salmari saklai jak mani logi logi no sapung hopung romwi pirlai mwng khwlai tongkha naikolnai bodol BJP. ah loksabha chongmari no kitingwi Kriti singh debbarman ni support o sal burum burum no kthumlai mwng, achuglai mwng, nok nogo thnagwi pirlai mwng khwlai tongkha bodol ni adong, montri, MLA tei samwng khwlainai rok.pirlai mwng ni samwng bwtang ni logi motha no tei bo bobo hai khe kwrak khwlai nani man nai ayang phasing bo naikol mwng khwlai tongkha, kwrak salo 42 amarpur mandal ni bwkhak twi amarpur town hall o kaisa sabha khwlai jakha. ah achuglai mwng o phawi manjak phaikha bharatiya janata party pradesh achugphang Rajib bhattacharjee tei 42 amarpur bidhansabha kendra ni BJP ni MLA Ranjit das, achuglai mwng ni ulo pradesh BJP ni achugphang Rajib bhattacharjee saklaikha, amarpur ni 53 booth ni joto no kwplai ungnai BJP bodol. laithanai 2018 bisi o Tripura ni loku rok no manthai tei borom rwkha bharatiya janata party hapang. hakotor ni montri bokhorok Narendra modi ni phasing naharwi no phai tongnai loksabha chongmari o BJP ni batainai rok no kwplai khwlainani tabuk simi naikol mwng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
